Satý úsh jetkizý bazısi boıynsha ótip jatyr: FCA jetkizý sharty boıynsha Tekesý stansııasy, Teńdik stansııasy jáne Pavlodar-port stansııasy.
Qazmunaıgazdyń «Kaspıı» alańyna shyǵýy – bul bizdiń bırjamyzdyń arhıtektýrasynyń eń aýqymdy jáne júıeli jetkizýshilerge qyzmet kórsetýge daıyn ekendiginiń aıqyn belgisi. Biz kez kelgen kólemde JJM-dy satý úshin ashyq, básekege qabiletti jáne tehnologııalyq ornyqty jaǵdaılardy qamtamasyz etýge daıynbyz jáne qabilettimiz.
Sondyqtan bul oqıǵa alǵa qadam basý ǵana emes, Qazaqstandaǵy uıymdastyrylǵan jáne jetilgen otyn naryǵyn odan ári damytý úshin mańyzdy baǵdar», – dep atap ótti «Kaspıı» taýar bırjasy» AQ prezıdenti Murat Qadısov.
Ulttyq operatordyń qatysýymen ótkiziletin saýda qosarlanǵan qarsy aýksıon formatynda ótkiziledi.
Buǵan deıin Qazaqstan Respýblıkasy Saýda jáne ıntegrasııa mınıstriniń 2025 jylǵy 12 naýryzdaǵy buıryǵymen kómir, bıtým, avtomobıl benzıni, reaktıvti qozǵaltqyshtarǵa arnalǵan otyn, dızel otyny jáne qant kiretin Áleýmettik mańyzy bar bırjalyq taýarlar tizbesi bekitilgen bolatyn.
«QazMunaıGaz» UK AQ (QMG) – 2002 jyly qurylǵan Qazaqstan Respýblıkasynyń munaı-gaz salasyndaǵy múddelerin qorǵaıtyn kompanııa. Qazaqstannyń munaı-gaz salasynyń ulttyq kóshbasshysy. QMG kómirsýtekterdi barlaý men óndirýden bastap tasymaldaý, qaıta óńdeý jáne servıstik qyzmetter kórsetýge deıingi barlyq óndiristik sıkl boıynsha aktıvterdi basqarady. Aldaǵy 10 jylda QMG ósimi resýrstyq bazanyń ósýi, qazirgi óndiristiń tıimdiligi, qun tizbegin uzartý, zamanaýı tehnologııalardy engizý jáne kómirtegi izin qysqartý esebinen qamtamasyz etiledi.
«Kaspıı» taýar bırjasy» AQ – munaı ónimderin, kómirdi jáne sementti qosa alǵanda, taýarlardyń keń spektrimen saýda jasaýǵa mamandanǵan Qazaqstannyń jetekshi bırjalyq alańy. «Kaspıı» taýar bırjasy» AQ Energetıkalyq bırjalardyń eýropalyq qaýymdastyǵyna (EUROPEX) qaýymdastyrylǵan múshe retinde kiredi. S&P Global halyqaralyq reıtıng agenttiginiń eń joǵary ESG-baǵasyna ıe. BUU Jahandyq shartynyń tolyqqandy qatysýshysy. Sondaı-aq, «Kaspıı» – KASE Qazaqstan qor bırjasynyń resmı lıstıngine engizilgen eldegi jalǵyz taýar bırjasy.
